Sunday, May 10, 2009

Letter

Nag-email si Boyet sa iyang inahan.

Ma,

Ayaw na lang pangita nako, layo na ko karon. Nisa-ad ko nga mo-uli ko gikan Manila karong adlawa pero sa tinu-od, pipila ka buwan na ko diri sa Ilocos Norte. Kuyog nako si Thelma, 27 ka tu-ig ang edad unya mabdos ug 9 ka buwan. Na-ila-ila ni nako siya sa Parañaque. Kahibaw ko nga 17 años ra ko pero nahigugma gyud ko kaniya. Ma, maayo ra ang among kahimtang karon. Namaligya ko ug shabu para maka-kwarta, unya si Thelma, nagpa-abang sa iyang lawas para mi mabuhi. Apan nag-ampo mi nga aduna'y tambal sa AIDS para ma-ayo na intawn si Thelma. Gipa-abort niya iyahang pirmiro nga bata pero ayaw kabalaka kay pwede ra mi makahimo ug bag-o. Ma, mangayo ko ug pasaylo nimo kay wala gyud ko nakapanamilit nimo ug tarong. I-apil na lang ko ug si Thelma sa imong mga pag-ampo.

Boyet

P.S. Di bitaw, Ma. Bino-ang ra. Na-abot nako, ganiha pang udto. Ga-Internet lang ko karon diri ilang Manoy Jeffrey, gihapit ra nako katung gihulman nako nga textbook niya. Uli ko karon taud-taud, diha ra ko manihapon sa balay.

No comments:

Post a Comment

Sige payr!