Concerned

2 ka killer naghuwat sa ilang patyonon nga tawo.

Killer 1: P're, dugaya pud sa atung patyonon oi.

Killer 2: Lagi, p're! Wala unta'y nahitabo niya, noh? Mabalaka man pud ta!

Naa'y Gipadala

Maid: Father, naa'y gipadala nga kwarta akong amo para pamisahan ang iyang namatay nga iro.

Pari: Wala siya nabuang! Tawo ra'y pamisahan oi, dili iro!

Maid: Nah! Unsaun na lang ning P20,000 nga gipadala para sa misa?

Pari: Sus! Wala man ka magsulti nga katoliko may diay ning iro-a!

Dili Madutlan

Q: Kinsa nga basketball player nga dili madutlan ug mga worm ug trojan horse?

A: Dondon Antivirus.

Yati!

Inahan: Yati maning kahimtanga! Maglung-ag ta, pirmi wala'y kahoy! Pangahoy didto, Pedro!

Pedro: Kasamok ba nimo, Ma, oi! Mangahoy bitaw ko pero imo pud i-sugnod!

Kaniadto

Lolo: Kaniadto, akong 5 pesos inig adto nako sa department store makadala na ko ug gatas, pan, medyas, polo ug pantalon.

Apo: Karon diay, 'Lo?

Lolo: Lisud na karon kay naa na'y surveillance camera.

Naka-ilad

Anak: Ma! Na-ilad gyud nako ang jeepney driver ganiha. Hehe!

Mama: Ngano man? Namokong ka? Ayaw ana kay dili na maayo!

Anak: Dili oi! Akong gi-ilad ang driver -- ni-pliti ko bisan nga wala ko nisakay. Bogo kaayo ang driver, noh?

Wala Na Kasabot

Bana: Wala na ko kasabot aning atung panag-uban! Sige lang away! Maayo pa nga mopahawa ko aning balaya!

Asawa: Ako sad! Wala na ko kasabot! Maayo pa nga mo-uban ko nimo!